Ղրիմում Հաղթանակի օրը տեղի կունենա «Սրտի հիշատակ» ֆիլմի պրեմիերան պատերազմի հայ վետերանների մասին
07-05-2016 22:50:35 | Ռուսաստան | Մշակույթ
Մայիսի 7-ից սկսած և մինչև հունիսի վերջ Ռուսաստանի խոշոր քաղաքներում տեղի կունենա ռեժիսոր Վլադիմիր Ռուսանեվիչի «Սրտի հիշատակ» վավերագրական ֆիլմի պրեմիերան, որը պատմում է Մեծ Հայրենական պատերազմի Հայաստանում բնակվող վետերանների մասին: Ֆիլմը ստեղծվել է «Հայ-ռուսական երիտասարդական միասնություն» հասարակական կազմակերպության (ՀՌԵՄ) կողմից Երևանում Ռուսական Գիտության և Մշակույթի կենտրոնի հովանավորությամբ:
Վավերագրական ֆիլմը նվիրված է Մեծ Հայրենական պատերազմի հաղթանակին: «Հայ-ռուսական երիտասարդական միասնություն» հասարակական կազմակերպության (ՀՌԵՄ) նախագահ Գոհար Ղումաշյանի խոսքերով ֆիլմում նկարահանված են պատերազմի 20 վետերաններ, որոնք բնակվում են Հայաստանում: «Այս ֆիլմով մենք ցանկանում ենք ցույց տալ, որ պետք չէ մեր իդեալին փնտրել գունազարդ հոլիվուդյան ֆիլմերում, իրական ՀԵՐՈՍՆԵՐԸ մեր կողքին են: Եվ մենք պետք է անենք ամեն հնարավոր բան, որպեսզի մեր վետերանները զգան իրենց գնահատված», - նշել է Ղումաշյանը:
«Մենք ցանկանում ենք անել ամեն ինչ, որպեսզի բոլորը իմանան, թե ինչ դեր է խաղացել հայ ազգը Մեծ Հաղթանակում: Մեծ Հայրենական պատերազմը ևս մեկ փորձություն էր հայ ազգի համար մեր դարավոր պատմության ընդացքում,որը մենք պատվով հաղթահարեցինք: Եվ մեր՛ յուրաքանչյուրիս խնդիրն է մեծացող սերնդին փոխանցել իրականությունը մեր պատմության մասին»,- նշել է ֆիլմի ռեժիսոր Վլադիմիր Ռուսանեվիչը:
Մայիսի 7-ին տեղի կունենա պրեմիերա Սիմֆերոպլում, մայիսի 9-ին՛ Սևաստոպլում, 15-ին՛ Մոսկվայում, 20-ին՛ Պերմում, Կալինինգրադում, Սանկտ Պետերբուրգում և շատ այլ քաղաքներում: Մինչև հունիսի վերջ Ռուսաստանի խոշոր քաղաքների կինոթատրոններում տեղի կունենան «Սրտի հիշատակ» վավերագրական ֆիլմի ցուցադրությունները՛ Ռուսաստանի հայ երիտասարդների կոնգրեսի հովանավորությամբ
Նշում. Երևանում ռեժիսոր Վլադիմիր Ռուսանեվիչի «Սրտի հիշատակ» վավերագրական ֆիլմի պրեմիերան տեղի է ունեցել նախորդ տարվա դեկտեմբերի 17-ին Հայ-Ռուսական (Սլավոնական) համալսարանի մշակույթի տանը:
ՀԱՅԵՐԵՆ
Русский
English
Դաս. հայերեն
French
