Մոսկվայում կալանավորվել է ռուսների հավաքագրմամբ զբաղվող ահաբեկիչը
10-05-2016 16:56:33 | Ռուսաստան | Հասարակություն
Ռուսաստանի ներքին գործերի նախարարության և անվտանգության դաշնային ծառայության աշխատակիցները Մոսկվայի հյուսիս-արևմուտքում կալանավորել են «Հիզբ ութ-Թահրիր» ահաբեկչական խմբավորման անդամին: Interfax.ru-ի փոխանցմամբ` այդ մասին տեղեկացրել է ՌԴ ՆԳՆ պաշտոնական ներկայացուցիչ Իրինա Վոլկը:
Նրա խոսքերով` Թաթարստանի բնակիչը զբաղվել է ռուսների հավաքագրմամբ ապօրինի զինված խմբավորումների շարքեր, որոնք գործում են Սիրիայի և Իրաքի տարածքում: Նա գտնվել է դաշնային հետախուզման մեջ:
Կալանավորվածին փոխանցել են հետախուզման նախաձեռնողներին` Թաթարստանի իրավապահ մարմիններին` հետագա հետաքննության համար: