Ստորագրվեց եւս մեկ հայ-ռուսական տնտեսական պայմանագիր
09-04-2010 20:30:00 | Հայաստան | Տնտեսություն
ԵՐԵՎԱՆ, 9 ԱՊՐԻԼԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ
առեւտրաարդյունաբերական պալատի եւ Անկախ պետությունների
համագործակցության (ԱՊՀ) գործունեության դաշնային գործակալության
միջեւ ապրիլի 9-ին կնքվեց համագործակցության պայմանագիր:
Ինչպես նշեց ՀՀԱԱՊ նախագահ Մարտին Սարգսյանը`
Ռոսսոտրուդնիչեստվո կազմակերպության եւ ՀՀԱԱՊ-ի միջեւ կնքված
պայմանագիրը կնպաստի երկու երկրների միջեւ առավել տրամաբանական եւ
շահավետ տնտեսական հարաբերություններ ձեւավորմանը, երկու երկրների
տնտեսությունների դինամիկ զարգացմանը: Ըստ նրա, Հայաստանի եւ
Ռուսաստանի տնտեսական համագործակցության ներուժը դեռ ամբողջությամբ
չի իրացված:
Պայմանագրի համաձայն, կնախանշվեն համաձայնեցված հեռանկարային
աջակցություն ստեղծելու հավասար պայմաններ` երկու երկրներում
արտադրողական ձեռնարկային գործունեության, ինչպես նաեւ Փոքր եւ
Միջին բիզնեսի ձեռնարկատերերի միջեւ ուղիղ միջտարածաշրջանային
կապերի հաստատման համար: Այս նպատակով պայմանավորվածություն է ձեռք
բերվել` անցկացնել երկու կողմերի արդյունաբերական արտադրանքի
ցուցահանդեսներ, տնտեսական ֆորումներ եւ գործնական
առաքելություններ` «Հաղորդակցության բորսա»: Ինչպես հայտնել է
Ռոսսոտրուդնիչեստվո կազմակերպության ղեկավար Վիկտոր Կրիվապուսկովը,
հայ-ռուսական ցուցահանդես տեղի կունենա այս տարվա հոկտեմբերին`
միջկառավարական հանձնաժողովի օժանդակությամբ:
Կարեւորելով այս պայմանագրի ստորագրումը, Վ. Կրիվապուսկովն
ընդգծել է, որ ինչպես Ռուսաստանն է Հայսատանի համար մեծ
հետաքրքրություն ներկայացնում, այնպես էլ Ռուսաստանն է կարեւորում
Հայաստանի հետ համագործակցությունը: