Ռուսաստանը ձգտում է համաշխարհային էական ազդեցության. Վլադիմիր Պուտին
05-09-2016 14:50:52 | Ռուսաստան | Միջազգային
Ռուսաստանը ցանկանում է ավելի էական ազդեցություն ունենալ համաշխարհային բեմում: korrespondent.net-ի փոխանցմամբ` այդ մասին խոստովանել է նախագահ Վլադիմիր Պուտինը Bloomberg-ին տված հարցազրույցում:
Միևնույն ժամանակ նա նշել է, որ վերոնշյալ ցանկությունը կրում է բացառապես խաղաղ և դրական բնույթ:
«Ես Մոսկվայից Վլադիվոստոկ թռչել եմ ինը ժամ: Դա մի քիչ պակաս է, քան Մոսկվայից Նյու Յորք թռիչքը: Ինչ եք կարծում, մենք սահմաններն ընդլայնելու անհրաժեշտություն ունենք»,- ասել է նա` հավելելով, որ հարցը բնավ էլ տարածքների մեջ չէ:
Պուտինն ընդգծել է, որ Մոսկվան ձգտում է տնտեսական և մարդասիրական ազդեցության, ինչպես նաև հարևանների հետ հավասար իրավունքներով համագործակցության:
Նշվում է, որ 2014 թվականին Ռուսաստանը բռնազավթել է Ղրիմը, իսկ Արևմտյան երկրները Կրեմլին մեղադրել են միջազգային իրավունքի և Ուկրաինայի տարածքային ամբողջականության ոտնահարման մեջ: