Սիրիական Ջերաբլուսում իրականացված ահաբեկչության արդյունքում կան զոհեր և վիրավորներ
09-09-2016 11:51:20 | Սիրիա | Հասարակություն
Հինգ մարդ զոհվել, ևս 12-ը վիրավորվել են Թուրքիայի հետ սահմանի մոտակայքում գտնվող սիրիական Ջերաբլուս քաղաքում «Իսլամական պետություն» ահաբեկչական խմբավորման կողմից իրականացված ահաբեկչության արդյունքում:
Interfax.ru-ի փոխանցմամբ` թուրքական անվտանգության ծառայությունը հաղորդել է, որ վիրավորներին տեղափոխել են թուրքական Գազիանթեպ նահանգում գտնվող հիվանդանոցներ:
Նախօրեին` 292 սիրիացիներից բաղկացած խումբը Թուրքիայից վերադարձել էր Ջերաբլուս, ինչը դարձել է փախստականների խմբի առաջին վերադարձն այդ քաղաք այն պահից ի վեր, երբ թուրքական զինվորականները Սիրիայի տարածքում սկսեցին իրականացնել «Եփրատի վահան» հակաահաբեկչական գործողությունը: