ՄԱԿ-ում քննադատել են Թրամփի միգրացիոն նոր հրամանագիրը
07-03-2017 12:59:00 | ԱՄՆ | Հասարակություն
Փախստականների հարցերով ՄԱԿ-ի գերագույն հանձնակատար Ֆիլիպո Գրանդին մտահոգություն է հայտնել ԱՄՆ նախագահ Դոնալդ Թամփի` փախստականների վերաբնակեցմանը վերոբերող նոր հրամանագրի վերաբերյալ:
korrespondent.net-ի փոխանցմամբ` այդ մասին հայտնում է Համաշխարհային կազմակերպության լրատվական կենտրոնը:
«Փախստականները դրանք մարդիկ են, որոնք ստիպված են փրկվել պատերազմներից ու հետապնդումներից: Նրանք հուսահատված կարիք ունեն պաշտպանության և օգնության»,- ասել է Գրանդին:
Նրա խոսքերով` Թրամփի նոր որոշումը թեկուզ ժամանակավոր միայն խորացնելու է փախստականների տառապանքները:
Ֆ. Գրանդին նշել է, որ ԱՄՆ-ն միշտ օրինակ է ծառայել ուրիշների համար` օգնելով փախստականներին այլ երկրներում և իրենց երկիր ընդունելով նրանց, ովքեր անվտանգություն են փնտրում:
ՄԱԿ-ի հանձնակատարն ընդգծել է, որ այսօր երբ ստիպողաբար տեղահանվածների թիվը հասել է ռեկորդային մակարդակի, մարդասիրության նման օրինակը շատ անհրաժեշտ է:
Նշվում է, որ մարտի 6-ին Թրամփը ստորագրել է միգրացիոն հրամանագրի նոր տարբերակ, որի համաձայն` ԱՄՆ մուտքը 90 օրով կարգելվի վեց մահմեդական երկրների` Սուդան, Սիրիա, Իրան, Լիբիա, Սոմալի, Եմենի, քաղաքացիներին:
ՀԱՅԵՐԵՆ
Русский
English
Դաս. հայերեն
French
