Էրդողանը խոստացել է երկրում բարձրացնել մահապատժի վերականգնման հարցը
17-04-2017 15:13:46 | Թուրքիա | Հասարակություն
Թուրքիայի նախագահ Ռեջեփ Թաիբ Էրդողանը խոստացել է բարձրացնել մահապատժի վերականգնման հարցը և հայտարարել, որ պատրաստ է այդ հարցով հանրաքվե անցկացնել: Interfax-ի փոխանցմամբ` թուրք առաջնորդն այդ մասին ասել է` հանդես գալով հանրության առջև, որը հավաքվել էր Ստամբուլի իր նստավայրի առջև:
Նա նաև դատապարտել էր ընդդիմությանը, որը «արժեզրկում» է հանրաքվեի արդյունքները, և հայտարարել, որ ընդդիմության բոլոր ջանքերն ապարդյուն են: Միևնույն ժամանակ, ավելի վաղ, նա շնորհակալություն էր հայտնել բոլորից, ովքեր մասնակցել են քվեարկությանը և այն անվանել «պատմական որոշում»:
Նշվում է, որ Թուրքիայում մահապատիժը վերացվել է 2002 թվականին այն բանի համար, որպեսզի երկիրը համապատասխանի Եվրոպական միություն մտնելու չափանիշներին:
ՀԱՅԵՐԵՆ
Русский
English
Դաս. հայերեն
French
