ԴՈՆԻ ՌՈՍՏՈՎ, 18 ՆՈՅԵՄԲԵՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Սերգեյ Ռախմանինովի անվան վոկալիստների մրցույթում լավագույնն է ճանաչվել կրասնոդարցի Էդուարդ Ղազարյանը: Նա հաղթանակ է տարել Դոնի Ռոստովում անցկացվող մրցույթում: Ինչպես հաղորդում է «Երկրամասը», Ռուսաստանի տարբեր մարզերից ութսուն հավակնորդներ կատարել են դասական մի քանի ստեղծագործություններից կազմված ծրագիր: Ժյուրին միահամուռ առաջին տեղը շնորհել է Կուբանի արվեստի եւ մշակույթի պետական համալսարանի շրջանավարտ, «Պրեմիերա» ստեղծագործական միավորման Երաժշտական թատրոնի մենակատար Էդուարդ Ղազարյանին:

---