Ախալքալաքի շրջանում վերանորոգվում են կամուրջներ,
գյուղամիջյան ճանապարհներ, ոռոգման համակարգը, մանկապարտեզներ եւ
այլ շինություններ
02-07-2009 22:00:00 | Հունաստան | Տնտեսություն
ԱԽԱԼՔԱԼԱՔ, 2 ՀՈՒԼԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Այս տարի
Վրաստանի պետական եւ տեղական բյուջեից հատկացված դրամական
միջոցների շնորհիվ վերստին սկսվելու են ինչպես Ախալքալաքի, այնպես
էլ շրջանի գյուղերում տարվող բարեկարգման աշխատանքները: Ինչպես
«Ա-ինֆո»-ին հայտնել է Ախալքալաքի շրջանային վարչության
տնտեսության եւ ենթակառույցների զարգացման ծառայության պետ Վահան
Բաթոյանը, ներկայումս շրջանի շատ գյուղերի` ինչպես օրինակ,
Գումբուրդոյի, Կիրովականի, Մուրջախեթի, Մաջադիայի, Խանդոյի
գյուղամիջյան ճանապարհներն ավելի լավ վիճակում են, քան առաջ:
«Պետական բյուջեից յուրաքանչյուր գյուղի հատկացվեց 2500 լարի,
նաեւ յուրաքանչյուր բնակչի համար` 5 լարի 60 թեթրի: Գյուղեր կային,
որոնք ստացան 5000 լարի, մեծ գյուղերը, օրինակ, Դիլիսկան` 19.000,
Խանդոն` 18.000 լարի: Գյուղերը որոշեցին, թե այդ գումարով
առաջնայինը ինչ աշխատանքներ պետք է տանեն: Գյուղեր կային, որ
հարսանյաց տները վերանորոգեցին, ակումբները, գյուղամիջյան
ճանապարհները, ոռոգման համակարգը»,- տեղեկացրեց Վ. Բաթոյանը:
Ախալքալաքի շրջանային վարչության տնտեսության եւ
ենթակառույցների զարգացման ծառայության պետը նշեց նաեւ, որ
ներկայումս վերանորոգվում են Կոչիո-Բարալեթ եւ Կոչիո-Ագանա
գյուղերը միացնող կամուրջները, որոնք եղել են քանդված ու գրեթե
անանցանելի: Վերանորոգվում է նաեւ Ախալքալաքի կոյուղու համակարգը,
կառուցվում է նոր ջրատար: Բարեկարգվում են քաղաքի ակումբները,
«Ապագայի տուն» հաստատության շինությունը, մանկապարտեզները:
«50.000 լարի նախատեսված է գյուղերի ջրատարների վերանորոգման
համար: Երկու ջրատարներ են կառուցվելու Էխտիլա-Արագվա-Օրջա
գյուղերի համար, մյուսը`
Դիլիֆ-Վաչիան-Չամդուրա-Մուրջախեթ-Կիրովական գյուղերի համար`
1.400.000 լարիի սահմաններում: Պետական բյուջեով նախատեսված է յոթ
դպրոցներ վերանորոգել` Կարծախի, Բուղաշենի, Վաչիանի, Դադեշի,
Կիրովականի, Թախչա, Կոչիո գյուղերի դպրոցները, որոնց համար
հատկացված է մոտ 400.000 լարի: Մինչեվ օգոստոսի 25-ը շինարարները
պետք է այդ աշխատանքները կատարեն»,- հայտնեց Վահան Բաթոյանը:
Ի դեպ, տեղական բյուջեն 120.000 լարի է նախատեսել նաեւ
դպրոցներում թեթեւ կոսմետիկ վերանորոգում իրականացնելու համար:
Բարեկարգման աշխատանքները տարվելու են դպրոցների այն հատվածներում,
որոնք առավել շատ են զգում անհրաժեշտ խնամքի կարիք:
Բարեկարգման աշխատանքներ Ախալքալաքի շրջանում
ԱԽԱԼՔԱԼԱՔ, 1 ՀՈՒԼԻՍԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ: Այս տարի
Վրաստանի պետական եւ տեղական բյուջեից հատկացված դրամական
միջոցների շնորհիվ վերստին սկսվելու են ինչպես Ախալքալաքի, այնպես
էլ շրջանի գյուղերում տարվող բարեկարգման աշխատանքները: Ինչպես
«Ա-ինֆո»-ին հայտնել է Ախալքալաքի շրջանային վարչության
տնտեսության եւ ենթակառույցների զարգացման ծառայության պետ Վահան
Բաթոյանը, ներկայումս շրջանի շատ գյուղերի` ինչպես օրինակ,
Գումբուրդոյի, Կիրովականի, Մուրջախեթի, Մաջադիայի, Խանդոյի
գյուղամիջյան ճանապարհներն ավելի լավ վիճակում են, քան առաջ:
«Պետական բյուջեից յուրաքանչյուր գյուղի հատկացվեց 2500 լարի,
նաեւ յուրաքանչյուր բնակչի համար` 5 լարի 60 թեթրի: Գյուղեր կային,
որոնք ստացան 5000 լարի, մեծ գյուղերը, օրինակ, Դիլիսկան` 19.000,
Խանդոն` 18.000 լարի: Գյուղերը որոշեցին, թե այդ գումարով
առաջնայինը ինչ աշխատանքներ պետք է տանեն: Գյուղեր կային, որ
հարսանյաց տները վերանորոգեցին, ակումբները, գյուղամիջյան
ճանապարհները, ոռոգման համակարգըգ»,- տեղեկացրեց Վ. Բաթոյանը:
Ախալքալաքի շրջանային վարչության տնտեսության եւ
ենթակառույցների զարգացման ծառայության պետը նշեց նաեւ, որ
ներկայումս վերանորոգվում են Կոչիո-Բարալեթ եւ Կոչիո-Ագանա
գյուղերը միացնող կամուրջները, որոնք եղել են քանդված ու գրեթե
անանցանելի: Վերանորոգվում է նաեւ Ախալքալաքի կոյուղու համակարգը,
կառուցվում է նոր ջրատար: Բարեկարգվում են քաղաքի ակումբները,
«Ապագայի տուն» հաստատության շինությունը, մանկապարտեզները:
«50.000 լարի նախատեսված է գյուղերի ջրատարների վերանորոգման
համար: Երկու ջրատարներ են կառուցվելու Էխտիլա-Արագվա-Օրջա
գյուղերի համար, մյուսը`
Դիլիֆ-Վաչիան-Չամդուրա-Մուրջախեթ-Կիրովական գյուղերի համար`
1.400.000 լարիի սահմաններում: Պետական բյուջեով նախատեսված է յոթ
դպրոցներ վերանորոգել` Կարծախի, Բուղաշենի, Վաչիանի, Դադեշի,
Կիրովականի, Թախչա, Կոչիո գյուղերի դպրոցները, որոնց համար
հատկացված է մոտ 400.000 լարի: Մինչեվ օգոստոսի 25-ը շինարարները
պետք է այդ աշխատանքները կատարեն»,- հայտնեց Վահան Բաթոյանը:
Ի դեպ, տեղական բյուջեն 120.000 լարի է նախատեսել նաեւ
դպրոցներում թեթեւ կոսմետիկ վերանորոգում իրականացնելու համար:
Բարեկարգման աշխատանքները տարվելու են դպրոցների այն հատվածներում,
որոնք առավել շատ են զգում անհրաժեշտ խնամքի կարիք: