Աթենքում հրկիզվել են քաղաքական կուսակցությունների շտաբները
28-07-2009 17:55:00 | Հունաստան | Միջազգային
ԱԹԵՆՔ, 28 ՀՈՒԼԻՍԻ, ՆՈՅՅԱՆ ՏԱՊԱՆ: Անհայտ անձինք անցած գիշեր
Աթենքում հրդեհել են Հունաստանի քաղաքական կուսակցությունների յոթ
գրասենյակ, հաղորդել է ոստիկանությունը: Տուժել են կառավարող «Նոր
դեմոկրատիա» կուսակցության, ՊԱՍՕԿ ընդդիմադիր սոցիալիստական
շարժման եւ ԼԱՕՍ ուլտրա-աջ կուսակցության շրջանային
բաժանմունքները:
Անհայտ անձինք բոցավառող խառնուրդով շշեր են նետել շենքերի
վրա կամ կրակի մատնել գազաբալոններով պատրաստված ինքնաշեն
պայթուցիկ սարքերի օգնությամբ: Շենքերին պատճառվել է նյութական
վնաս, տուժողներ չեն եղել:
Հրկիզումների աշխարհագրությունը ներառում է Աթենքը կենտրոնը,
արեւմտյան եւ հյուսիսային արվարձանները, ինչպես նաեւ Պիրեյ
նավահանգիստը: Բոլոր հրկիզումները տեղի են ունեցել քսան րոպեի
ընթացքում տեղական ժամանակով գիշերվա ժամը մոտ երեքին:
Ոչ ոք չի ստանձնել այդ հարձակման պատասխանատվությունը: