ԿԻԵՎ, 22 ՀՈՒԼԻՍԻ, ՆՈՅՅԱՆ ՏԱՊԱՆ: Կիեւը ԱՄՆ-ին վաճառել է
ռուսական արտադրության երկու Սու-27 կործանիչ-կալանիչ: Այս մասին,
ինչպես հաղորդում են ռուսական ԶԼՄ-ները, հայտնել է Ռեգիոնների
կուսակցությունից խորհրդարանի պատգամավոր Վադիմ Կոլեսնիչենկոն`
ԶԼՄ-ների միջոցով հարցում ուղղելով Ուկրաինայի նախագահ Վիկտոր
Յուշչենկոյին այդ գործարքի առնչությամբ հետաքննություն անցկացնելու
պահանջով:
Փաստաթղթում խորհրդարանի պատգամավորը ընդգծում է, որ
«ամերիկացիները չեն թաքցնում` կործանիչներն օգտագործվելու են
օդաչուների ուսուցման գործընթացում եւ ռադիոտեղորոշման սարքավորման
եւ էլեկտրոնային ճնշման միջոցների տեստավորման համար»: