ԻՍԼԱՄԱԲԱԴ, 10 ՀՈՒՆԻՍԻ, ՆՈՅՅԱՆ ՏԱՊԱՆ: Պակիստանի Փեշավար քաղաքում պայթյունից զոհվածների թվում են երկու օտարերկրացիներ, որոնցից մեկը` ՄԱԿ-ի աշխատակից: Այս մասին հայտնել է հյուսիս-արեւմտյան սահմանամերձ Միան նահանգի տեղեկատվության նախարար Իֆտիկար Հուսսայինը: Նա զոհվածների ազգությունը չի հայտնել: Ինչպես նշել են պակիստանյան ոստիկանության ներկայացուցիչները, պայթյունը տեղի է ունեցել քաղաքի խոշորագույն Pearl Continental Hotel հինգ աստղանի հյուրանոցի հարեւանությամբ: Վերջին տվյալներով, ահաբեկության հետեւանքով զոհվել է 11, վիրավորվել 52 մարդ: Ոստիկանությունը կարծում է, որ պայթյունը կազմակերպվել է Պակիստանի հյուսիս-արեւմուտքում գործող պրոթալիբյան ծայրահեղական խմբավորումների կողմից:

---