Der Spiegel. «Ալ Ղաիդան» ծրագրում է ահաբեկություններ
գերմանացի զինվորների դեմ
08-06-2009 18:10:00 | Գերմանիա | Միջազգային
ԲԵՌԼԻՆ, 8 ՀՈՒՆԻՍԻ, ՆՈՅՅԱՆ ՏԱՊԱՆ: «Ալ Ղաիդա» միջազգային
ահաբեկչական կազմակերպությունը պատրաստվում է խոշոր
ահաբեկչություններ իրականացնել Գերմանիայում խորհրդարանական
ընտրությունների ժամանակ, որ նախատեսված են սեպտեմբերի 27-ին:
Ահաբեկիչների թիրախ կարող են դառնալ Աֆղանստանում գտնվող
բունդեսվերի զինվորները, հաղորդում է գերմանական Der Spiegel
շաբաթաթերթը` վկայակոչելով աղբյուրներ Գերմանիայի անվտանգության
ծառայություններից:
Գերմանիայի ներքին գործերի նախարարությունում, Քրեական
ոստիկանության դաշնապետական վարչությունում եւ Սահմանադրության
պահպանման դաշնապետական գերատեսչությունում հրաժարվել են
մեկնաբանել նախապատրաստվող ահաբեկությունների վերաբերյալ ի հայտ
եկած տեղեկատվությունը: