Երեւանի ՋԷԿ-ի նոր էներգաբլոկի շինարարական աշխատանքները
կավարտվեն ամինչեւ տարեվերջ
05-06-2009 18:30:00 | Հայաստան | Տնտեսություն
ԵՐԵՎԱՆ, 5 ՀՈՒՆԻՍԻ, ՆՈՅՅԱՆ ՏԱՊԱՆ: Հայաստանի էներգետիկայի
բնագավառում 2008թ.-ին ծախսվել է 18,4 մլրդ դրամ, ապահովելով
տարեկան ծրագրի կատարման 94,3%-ը: ՀՀ Ազգային Ժողովի մշտական
հանձնաժողովներում ընթացող ՀՀ 2008թ.-ի պետական բյուջեի կատարման
հաշվետվության հունիսի 5-ի քննարկման ժամանակ ՀՀ Էներգետիկայի
նախարար Արմեն Մովսիսյանը նշեց, որ այդ թերակատարումը
պայմանավորված է արտաքին աջակցությամբ ֆինանսավորվող ծրագրերի ցածր
կատարողականով:
Մասնավորապես, Ճապոնիայի կառավարության աջակցությամբ
իրականացվող Էլեկտրահաղորդման գծերի եւ բաշխիչ ցանցերի
վերականգնման վարկային ծրագրի շրջանակներում ծախսվել է 2,1 մլրդ
դրամ, որը կազմում է նախատեսվածի 47%-ը: Ճապոնիայի կառավարության
աջակցությամբ իրականացվող համակցված շոգեգազային ցիկլով Երեւանի
ՋԷԿ-ի նոր էներգաբլոկի կառուցման ծրագրով պետբյուջեով նախատեսված
13,3 մլրդ դրամի դիմաց ծախսվել է շուրջ 15 մլրդ դրամ:
Ա.Մովսիսյանի խոսքերով, Երեւանի ՋԷԿ-ը կվերագործարկվի
2010թ.-ի ապրիլին: Շինարարական աշխատանքները արդեն 60%-ով կատարված
են եւ կավարտվեն մինչեւ ընթացիկ տարերջ: