Չինաստանում հայտարարել են արտերկրից կորոնավիրուսի զանգվածային ներմուծման մասին. Ախտանիշները թաքցնողներին քրեական պատասխանատվության են ենթարկում
17-03-2020 14:19:08 | Չինաստան | Հասարակություն
Այն բանից հետո, երբ հայտարարվել է կորոնավիրուսի պանդեմիայի մասին, արտերկրում գտնվող Չինաստանի քաղաքացիները սկսել են զանգվածաբար վերադառնալ հայրենիք:
Ինչպես հաղորդել են Չինաստանի իշխանությունները, դա է պատճառ դարձել, որ երկրում ավելացել է հիվանդության ներմուծմամբ պայմանավորված դեպքերի քանակը:
Այդ երկրի պետական միգրացիոն ծառայության տվյալներով՝ ցամաքային, օդային և ջրային սահմանային անցումներով Չինաստանի սահամանն օրական միջինը հատում է 120 հազար մարդ:
Շուրջ 20 հազար մարդ երկիր է ժամանել միջազգային ավիաչվերթներով, և նրանցից միայն 10 տոկոսն է օտարերկրացի, որոնց շրջանում ոչ մի վարակակիր չկա:
Վերջին օրերի ընթացքում երկրում արձանագրվել է կորոնավիուսային հիվանդացության 21 նոր դեպք, որոնցից 20-ը ներմուծվել է: Ներքին վարակվածության միակ դեպքն արձանագրվել է Ուհանում:
Չինաստանում ընդհանուր առմամբ գրանցվել է հիվանդության ներմուծման 143 հազար դեպք, որոնք վտանգավորություն են ներկայացնում Պեկին և Շանհայ քաղաքների համար:
Չինաստանի համաճարակաբանային ծառայությունները մի շարք դեպքեր են արձանագրել, երբ թռիչքից առաջ ուղևորներն ընդունել են ջերմիջեցնող միջոցներ և ոչ ճիշտ տվյալներ են փոխանցել իրենց առողջական վիճակի մասին:
Վերջիններիս նկատմամբ հարուցվել են քրեական գործեր:
Նման դեպքերը կանխարգելելու համար հետագայում երկիր մուտք գործողների համար սահմանվելու է 14-օրյա պարտադիր կարանտին:
ՀԱՅԵՐԵՆ
Русский
English
Դաս. հայերեն
French
