ԵՐԵՎԱՆ, 31 ՄԱՐՏԻ, ՆՈՅՅԱՆ ՏԱՊԱՆ: Թեեւ ԵԽԽՎ-ի պահանջները ամբողջությամբ չեն կատարվել, սակայն Հայաստանի իշխանությունների կողմից այդ ուղղությամբ կոնկրետ քայլեր արվել են, ինչն էլ արձանագրել է Մոնիտորինգի խումբը: Մարտի 31-ի ասուլիսում այս մասին հայտարարեց ՀՀ Ազգային Ժողովի «ՀՅԴ» խմբակցութան քարտուղար Արտյուշա Շահբազյանը: Նա նշեց, որ 2008թ.-ի մարտի 1-ի դեպքերի գործով դատապարտվածներից շատերը ներմամբ արդեն ազատ են արձակվել, իսկ ամենակարեւորը` փոփոխության են ենթարկվել ՀՀ ՔրՕր-ի 225 եւ 300 հոդվածները: Ա.Շահբազմանի խոսքերով, այդպիսով քրեական օրենքսգիրքը մաքրազերծվել է երկու քաղաքական հովդածներից, ինչն ինքնին մեծ առաջընթաց է եւ կարեւոր նշանակություն ունի ոչ միայն ներկայիս իրավիճակի, այլեւ ապագայի համար: Նշենք, որ մարտի 30-ին ԵԽԽՎ-ի Մոնիտորինգի հանձնաժողովը քննարկել է Հայաստանի կողմից թիվ 1643 բանաձեւի կատարման ընթացքը: Հանձնաժողովը ողջունել է կատարված օրենսդրական բարեփոխումները եւ կարեւորել դրանց կիրառման հետագա ընթացքը:

---