Լեւոն Տեր-Պետրոսյանը եւ ԵՄ-ի ներկայացուցիչները քննարկել են
Հայաստանի ներքաղաքական ճգնաժամի հաղթահարման ուղիները
25-02-2009 18:30:00 | Հայաստան | Քաղաքական
ԵՐԵՎԱՆ, 25 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 25-ին ՀՀ առաջին
նախագահ Լեւոն Տեր-Պետրոսյանը եւ Հայ Ազգային կոնգրեսի կենտրոնական
գրասենյակի համակարգող Լեւոն Զուրաբյանը հանդիպում են ունեցել ԵՄ-ի
Հարավային կովկասի հարցերով հատուկ հանձնակատար Պիտեր Սեմնեբիի,
ՀՀ-ում Լեհաստանի արտակարգ եւ լիազոր դեսպան Թոմաս Կնոթհեի, ՀՀ-ում
ԵՄ-ի պատվիրակության ղեկավար Ռաուլ դե Լուցենբերգերի եւ ԵՄ-ի
երեւանյան գրասենյակի քաղաքական հարցերով խորհրդական Անդրեյ
Դիդենկոյի հետ:
Ըստ ՀԱԿ-ի հաղորդագրության, հանդիպման ընթացքում քննարկվել են
Հայաստանի ներքաղաքական ճգնաժամի հաղթահարման ուղիները: Կոնգրեսը
վերահաստատել է իր պատրաստակամությունը սկսել երկխոսություն
իշխանությունների հետ` բոլոր քաղբանտարկյալների ազատ արձակման եւ
ընդդիմության ներկայացուցիչների հետապնդումների դադարեցման
պարագայում: