Մայիսի 9-ին տեղի է ունենալու «Հայոց Եկեղեցու պատմություն»
առարկայի օլիմպիադայի հանրապետական փուլը
07-05-2010 16:24:00 | Հայաստան | Հասարակություն
ԷՋՄԻԱԾԻՆ, 7 ՄԱՅԻՍԻ, ՆՈՅՅԱՆ ՏԱՊԱՆ: Մայր Աթոռ Սուրբ Էջմիածնի
Գեւորգյան Հոգեւոր Ճեմարանում մայիսի 9-ին տեղի է ունենալու «Հայոց
Եկեղեցու պատմություն» առարկայի օլիմպիադայի հանրապետական փուլը:
Օլիմպիադային մասնակցելու են ՀՀ մարզերից եւ Երեւանից շուրջ
50 աշակերտներ: Օլիմպիադայի արդյունքները հրապարակվելու են հաջորդ
օրը` մայիսի 10-ին, մրցանակաբաշխության հանդիսավոր արարողության
ընթացքում:
Ըստ Մայր Աթոռ Սբ. Էջմիածնի Քրիստոնեական դիաստիարակության
կենտրոնի մամլո հաղորդագրության, օլիմպիադայի շրջանակներում մայիսի
9-ին աշակերտները եւ մանկավարժները կայցելեն Մայր Աթոռ Սուրբ
Էջմիածնի թանգարաններ` ծանոթանալու ազգային սրբությունների բացառիկ
նմուշներին: