«ԳԱԼԱ» հեռուստաընկերության նոր սարքավորումների մաքսային<br />
ձեւակերպումների հարցով ՀՀ Մարդու իրավունքների պաշտպանը դիմել է<br />
ՀՀ Պետեկամուտների կոմիտեի նախագահին<br />
«ԳԱԼԱ» հեռուստաընկերության նոր սարքավորումների մաքսային
ձեւակերպումների հարցով ՀՀ Մարդու իրավունքների պաշտպանը դիմել է
ՀՀ Պետեկամուտների կոմիտեի նախագահին
13-04-2010 20:32:00 | Հայաստան | Իրավունք
ԵՐԵՎԱՆ, 13 ԱՊՐԻԼԻ, ՆՈՅՅԱՆ ՏԱՊԱՆ: Պետական եկամուտների
կոմիտեի Շիրակի տարածաշրջանային մաքսատան պետը Գյումրիի «ՉԱՊ»
ՍՊԸ-ի գործադիր տնօրենին ապրիլի 7-ին պաշտոնապես տեղեկացրել է, որ
«ԳԱԼԱ» հեռուստաընկերության տեխնիկական վերազինման ժամանակացույցին
համապատասխան ներկրված նոր տեխնիկական սարքավորումների մաքսային
ձեւակերպումների կասեցումը կատարվել է ՊԵԿ-ի Գյումրիի տարածքային
հարկային տեսչության գրության հիման վրա:
Նշվածի կապակցությամբ ՀՀ Մարդու իրավունքների պաշտպան Արմեն
Հարությունյանը դիմել է ՀՀ Պետեկամուտների կոմիտեի նախագահին`
խնդրելով հայտնել, թե որ իրավական ակտի հիման վրա են հարկային
տեսչության գրության եւ տեղեկանքի համաձայն պաշտոնատար անձի կողմից
կասեցվել Գյումրիի «ՉԱՊ» ՍՊԸ-ին պատկանող բեռի մաքսային
ձեւակերպումները: «Եթե չկա նման իրավական ակտ, միջոցներ ձեռնարկել
ՍՊԸ-ի իրավունքները վերականգնելու կապակցությամբ եւ արդյունքների
մասին տեղեկացնել ինձ»,- ասված է Ա.Հարությունյանի պաշտոնական
գրությունում:
ՀԱՅԵՐԵՆ
Русский
English
Դաս. հայերեն
French
