ՋԱԿԱՐՏԱ, 9 ԱՊՐԻԼԻ, ՆՈՅՅԱՆ ՏԱՊԱՆ: Ինդոնեզիայում սկսվել են խորհրդարանական ընտրություններ, որին մասնակցում են 38 կուսակցություններ: Ընտրացուցակներում ընդգրկված են երկրի ձայնի իրավունք ունեցող 170 մլն. քաղաքացիներ: Որոշ վայրերում քվեարկությունն ուղեկցվում է բռնություններով: Այսպես, հաղորդվում է Ինդոնեզիայի Պապուա նահանգում ոստիկանական տեղամասի վրա հարձակման եւ վեց զոհվածների մասին: Ինդոնեզիական օրենսդրության համաձայն կուսակցությունը կամ կոալիցիան, որ կզբաղեցնի խորհրդարանի տեղերի մեկ հինգերորդ մասը, կարող է այնուհետեւ առաջադրել նախագահի թեկնածու, ընդ որում պետության ներկայիս ղեկավար Սուսիլո Բամբանգա Յոդխոյոնոյի կողմնակիցների շանսերը դրական են գնահատվում, հաղորդում է BBC-ն:

---