Ռուսական խոշոր հեռուստաալիքները դադարեցրել են հեռարձակումը
Բելոռուսիայում
01-04-2009 18:26:00 | Բելոռուս | Միջազգային
ՄԻՆՍԿ, 1 ԱՊՐԻԼԻ, ՆՈՅՅԱՆ ՏԱՊԱՆ: Ռուսական «ՌԵՆ ՏՎ», «Առաջին
ալիք. Համաշխարհային ցանց», «ՏՎՑ-Ինտերնեյշնլ», «ՌՏՌ-Պլանետա» եւ
«ՆՏՎ-Միր» հեռուստաալիքները հանվել են Բելոռուսիայի կաբելային
հեռարձակման ցանցից, հաղորդում է «Նովոստի» գործակալությունը:
«ԶԼՄ-ների մասին նոր օրենքն ուժի մեջ մտնելուց հետո նրանք
Բելոռուսիայի տարածքում հեռարձակման արտոնություն չեն ստացել:
Մասնավորապես, ԶԼՄ-ների մասին օրենքում հստակ ամրագրված է, որ
հեռուստատեսային ալիքները պետք է առաջիկա երեք ամսվա ընթացքում
ստանան երկրի տարածքում հեռարձակման թույլտվություն: Այդ աշխատանքը
այս հեռուստաալիքների ներկայացուցիչները չեն արել»,- հայտնել են
Բելոռուսիայի տեղեկատվության նախարարությունում` ավելացնելով, որ
«ոչ մի քաղաքական աստառ այդ ալիքների հեռարձակման անջատման մեջ
չկա»:
Միաժամանակ նախարարությունում չեն ճշտել, հնարավոր է արդյոք
այդ հեռուստաալիքների հեռարձակման վերականգնումը Բելոռուսիայի
տարածքում: