Բայդենն այսօր կստորագրի ՆԱՏՕ-ին Շվեդիայի և Ֆինլանդիայի անդամակցության մասին արձանագրությունները
09-08-2022 10:20:32 | | Ակնարկներ
Ազատություն. ԱՄՆ նախագահ Ջո Բայդենը այսօր կստորագրի ՆԱՏՕ-ին Շվեդիայի և Ֆինլանդիայի անդամակցության մասին արձանագրությունները։ Այս մասին ասված է երեկ Սպիտակ տան կողմից տարածված պետության ղեկավարի աշխատանքային օրակարգում։
«Կեսօրից հետո նախագահը ելույթ կունենա և կստորագրի Ֆինլանդիայի Հանրապետության և Շվեդիայի Թագավորության Հյուսիսատլանտյան պայմանագրին միանալու արձանագրությունների վավերացման փաստաթղթերը»,- ասված է ժամանակացույցում։
Արարողությանը կմասնակցի նաև ԱՄՆ փոխնախագահ Քամալա Հարիսը։
Անցած շաբաթ ԱՄՆ Սենատը վավերացրեց Ֆինլանդիայի և Շվեդիայի անդամակցությունը Հյուսիսատլանտյան դաշինքին։
ՀԱՅԵՐԵՆ
Русский
English
Դաս. հայերեն
French
