ՎԱՇԻՆԳՏՈՆ, 20 ՄԱՐՏԻ, ՆՈՅՅԱՆ ՏԱՊԱՆ: ԱՄՆ-ի զինվորականները առաջին անգամ կիսապաշտոնական ձեւով խոստովանել են, որ Իսրայելը միջուկային զենք ունի: «Այդ եզրակացություններն առկա են նոր միայն գաղտնազերծված ԱՄՆ-ի պաշտպանության նախարարության զեկույցում: Զեկույցը պատրաստվել է ԱՄՆ-ի Միացյալ հրամանատարության կողմից, այն կոչվում է «Մարտահրավերներն ու հետեւանքները ապագայի Միացյալ ուժերի համար»,- ասվում է Washington ProFile միջազգային լրատվական գործակալության հաղորդման մեջ: Զեկույցում վերլուծվում են համաշխարհային քաղաքականության, պաշտպանության, տնտեսության, էներգետիկայի, էկոլոգիայի եւ ժողովրդագրության (մասնավորապես, նշվում է, որ Ռուսաստանի բնակչությոնը տարեկան կրճատվում է 0,5%-ով) տարբեր տրենդներ, որոնք կարող են ազդել խնդիրների վրա, որ ծառացած են ԱՄՆ-ի Զինված ուժերի առջեւ:

---