ԴԵԼԻ, 19 ՓԵՏՐՎԱՐԻ, ՆՈՅՅԱՆ ՏԱՊԱՆ: Հնդկաստանի Օրիսայի
նահանգում փոքրիկին ամուսնացրել են շան հետ: Նման արտառոց եղանակով
ծնողները փորձել են երեխային պաշտպանել անեծքից, որ նրան
դատապարտում էր վագրի կերակուր դառնալ:
Երբ երկամյա Սագուլա Մունդայի առաջին ատամը դուրս եկավ ոչ թե
ստորին, այլ վերին լնդի վրա, նրա ծնողները դա վատ նախանշան
համարեցին: Համաձայն տեղի հավատալիքների, նման երեխային մահ է
սպառնում վագրից կամ այլ գիշատչից: Նրան դաժան ճակատագրից փրկել է
կարող է միայն ամուսնությունը շան հետ:
Հարսանեկան արարողությանը Պատարփուր գյուղում մասնակցել է մոտ
150 մարդ: Այն բանից հետո, երբ հոգեւորականները աղոթք են ասել
սանսկրիտով, ի պատիվ նորապսակների կերուխում է կազմակերպվել:
Մարդկանց եւ կենդանիների միջեւ հարսանիքները որպես չար
ոգիներից պաշտպանության միջոց լայնորեն տարածված են Հնդկաստանի
գյուղական շրջաններում: Այդ ամուսնություններն իրավաբանական ուժ
չունեն: