Որևէ բնակավայրից տարհանում չի իրականացվել, Գեղարքունիքի մարզպետ
11-05-2023 15:59:48 | Հայաստան | Ի՞նչ է գրում մամուլը
1lurer. Գեղարքունիքի մարզպետ Կարեն Սարգսյանը Ֆեյսբուքի իր էջում տեղեկացնում է, որ որևէ բնակավայրից տարհանում չի իրականացվել, այժմ էլ տարհանման անհրաժեշտություն չկա:
«Մայիսի 11-ին՝ ժամը 06:00-ից, Ադրբեջանի ԶՈՒ ստորաբաժանումները հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ: Այս պահի դրությամբ իրադրությունն առաջնագծում հարաբերականորեն կայուն է:
Որոշ լրատվական կայքերում տարածվել է ապատեղեկատվություն՝ իբրև իրականացվել է քաղաքացիների տարհանում:
Այս տեղեկությունը չի համապատասխանում իրականությանը։ Որևէ բնակավայրից տարհանում չի իրականացվել, այժմ էլ տարհանման անհրաժեշտություն չկա:
Իրադրությունը հայ-ադրբեջանական սահմանին հարաբերականորեն կայուն է և գտնվում է ՀՀ ԶՈՒ լիարժեք վերահսկողության ներքո։
Հետևեք պաշտոնական լրահոսին և մի տարածեք խուճապ առաջացնող ապատեղեկատվություն:
Իրադրության ցանկացած փոփոխության դեպքում պաշտպանության նախարարությունը հանդես կգա հաղորդագրությամբ»,- ասված է հաղորդագրության մեջ:
ՀԱՅԵՐԵՆ
Русский
English
Դաս. հայերեն
French
