Մեքսիկայի ԶԼՄ-ներ. Վատթարացել է Ֆիդել Կաստրոյի առողջական
վիճակը
15-01-2009 19:40:00 | Մեքսիկա | Միջազգային
ՄԵԽԻԿՈ, 15 ՀՈՒՆՎԱՐԻ, ՆՈՅՅԱՆ ՏԱՊԱՆ: Վերջին մեկ ամսվա
ընթացքում Ֆիդել Կաստրոյի արդեն կանոնավոր դարձած հրապարակումների
բացակայությունը մամուլում, ինչպես նաեւ Ուգո Չավեսի վերջին
սենսացիոն հայտարարությունը, վկայում են, որ Կաստրոյի առողջական
վիճակը զգալիորեն վատթարացել է, հաղորդում է մեքսիկական
«Ունիվերսալ» թերթը:
Վենեսուելայի նախագահը հունվարի 11-ին հայտարարել է, որ այլեւս
երբեք չենք տեսնի Ֆիդելին հրապարակային միջոցառումների ժամանակ, եւ
նա կմնա միայն մեր հիշողության մեջ: Ուգո Չավեսը հավաստիացրել է, որ
կուբացի առաջնորդը կապրի ընդմիշտ` նույնիսկ իր ֆիզիկական մահից
հետո: