Ռուսաստանն արել է առավելագույնը՝ Հայաստանի ժողովրդին աջակցելու համար, այդպես կլինի նաև հետագայում. Զախարովա
27-09-2023 15:01:11 | Հայաստան | Ի՞նչ է գրում մամուլը
1lurer. Հայկական կողմի հետ շփումները շարունակվում են տարբեր մակարդակներով, և մենք ակնկալում ենք, որ մեր ազդակները կլսվեն ու կընդունվեն պատշաճ կերպով։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ռուսաստանը միշտ հոգածությամբ է վերաբերվել Հայաստանի հետ դաշնակցային հարաբերություններին և երբեք չի եղել դրանց սրման նախաձեռնողը։
Ռուսաստանը մինչ այժմ արել է առավելագույնը՝ ամենադժվար իրավիճակներում Հայաստանի ժողովրդին աջակցելու հարցում, և այդպես կլինի նաև հետագայում։
Մենք ելնում ենք նրանից, որ երկկողմ համագործակցության զարգացման վերաբերյալ պայմանավորվածությունները հետագայում ևս կկատարվեն՝ ի շահ երկու երկրի ժողովուրդների»,- նշել Է Զախարովան։
ՀԱՅԵՐԵՆ
Русский
English
Դաս. հայերեն
French
