ՄՈՍԿՎԱ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Մոսկվայի
հարավ-արեւմուտքում անհայտ անձինք սպանել են Մոսկվայի նավթի եւ
գազի ինստիտուտի 18-ամյա ղազախստանցի ուսանողի, հայտնել է ՌԴ
մայրաքաղաքի իրավապահ մարմինների ներկայացուցիչը:
Ըստ նրա, կիրակի Մոսկվայի ժամանակով մոտ 21.30-ին ավտոբուսի
կանգառում քաղաքացիներին է մոտեցել վիրավոր մի երիտասարդ, որը
խնդրել է շտապ օգնություն կանչել: Մինչեւ բժիշկների ժամանելը
պատանին վախճանվել է:
Սպանության փաստի առթիվ հարուցվել է քրեական գործ:
Հետաքննությունը սպանության մի քանի վարկած է քննում, այդ թվում`
ըստ ազգային հատկանիշի:
Նշենք, որ Մոսկվայի քաղաքային դատարանը երկուշաբթի կհրապարակի
մի խումբ սքինհեդների դատավճիռը, որոնք մեղադրվում են ազգային հողի
վրա կատարված 20 սպանությունների եւ 12 հարձակումների մեջ: