ԵՐԵՎԱՆ, 6 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Օրերս ՀՀ նախագահի
Վրաստան կատած պաշտոնական այցի շրջանակներում պայմանավորավծություն
է ձեռք է բերվել վերակառուցել
Բաթումի-Ախալցխա-Ախալքալաք-Գյումրի-Երեւան ավտոճանապարհը: Ինչպես
հոկտեմբերի 4-ին լրագրողների հետ հանդիպմանը հայտնեց ՀՀ տրանսպորտի
եւ կապի նախարար Գուրգեն Սարգսյանը, դա ներկայումս գործող
ճանապարհի համեմատ 30 տոկոսով կարճ է լինելու: Այսօր գործող
Երեւան-Բաթումի ճանապարհի երկարությունը 700 կմ է, իսկ նորը կլինի
450 կմ:
Նախարարը հայտնեց նաեւ, որ նախագահներն իրավասու մարմիններին`
ՀՀ տրանսպորտի եւ կապի նախարարին եւ Վրաստանի էկոնոմիկայի
նախարարին, հանձնարարել են առաջիկա երկու շաբաթվա ընթացքում
կազմակերպել հանդիպում, որի ընթացքում քննարկվելու է այդ ճանապարհի
կառուցման հետ կապված հարցերը: Ի դեպ, նշվեց, որ աշխատանքների
ֆինանսավորումը նախատեսվում է իրականացնել միջազգային ֆինանսական
կազմակերպությունների կողմից, ընդ որում այս ծրագրով հատկապես
հետաքրքրված է Ասիական Զարգացման բանկը: