ԵՐԵՎԱՆ, 18 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ալբանիայի Դյուրրես քաղաքում անցկացվող ծանրամարտի Եվրոպայի երիտասարդական առաջնությունում սեպտեմբերի 17-ին մրցահարթակ ելավ Հայաստանի ներկայացուցիչ Առաքել Միրզոյանը (69 կգ, Էջմիածին): Պոկում վարժությունում 140 կգ, հրումում` 170 կգ եւ երկամարտի 310 կգ արդյունքով նա գրավեց 1-ին տեղն ու արժանացավ հաղթողի ոսկե մեդալին: Առաքելին մրցավայր էր ուղեկցել իր մարզիչ հայրը` օլիմպիական չեմպիոն Օգսեն Միրզոյանը:

---