ԵՐԵՎԱՆ, 16 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 15-ին Երեւանում ավարտվեց օլիմպիական եռակի չեմպիոն, Հայաստանի 20-րդ դարի լավագույն մարզիկ Ալբերտ Ազարյանի գավաթի միջազգային խաղարկությունը, որին մասնակցեցին Հայաստանի, Վրաստանի, Իրանի եւ Սիրիայի ներկայացուցիչները: Բազմամարտում հաղթողի կոչմանն արժանացավ Հարություն Մերդինյանը: 2-րդ եւ 3-րդ տեղերը գրավեցին Հովհաննես Դավթյանը եւ Արտյոմ Ավետյանը (բոլորն էլ` Հայաստան): Առանձին գործիքների վրա նույնպես լավագույնը Հայաստանի մարմնամարզիկներն էին. Հարություն Մերդինյանը նժույգ թափք, Մերդինյանը եւ Արտյոմ Ավետյանը` ազատ վարժությունում, Ավետյանը` նաեւ հենացատկում, իսկ Վահագն Ստեփանյանը` օղակների, զուգափայտի եւ պտտաձողի վրա վարժություններում: Հյուրերից մի քանիսը տարբեր գործիքների վրա արժանացան 3-րդ մրցանակին:

---