ԵԱՏՄ-ում չեն կարող Հայաստանին զրկել կարգավիճակից. Նիկոլ Փաշինյան
07-06-2026 13:26:28 | Հայաստան | Ի՞նչ է գրում մամուլը
Հայկական ժամանակ․ Վարչապետ Նիկոլ Փաշինյանը վստահեցնում է, որ Ռուսաստանի կողմից սանկցիաներ եղել են միշտ, ուղղակի հիմա աղմուկ է, քանի որ լուսաբանվում է այդ մասին։
«Լուսաբանվում է Հայաստանում գործող ձեզ հայտնի որոշ շրջանակների հետաքրքրվածության բերումով»,- քվեարկելուց հետո լրագրողների հետ զրույցում ասել է նա։
Փաշինյանը հավելել է, որ ԵԱՏՄ-ում չեն կարող Հայաստանին զրկել կարգավիճակից։
«Չեն կարող, ԵԱՏՄ-ում բոլոր որոշումները կայացվում են կոնսենսուսով, Հայաստանը հետևաբար ունի վետտոյի իրավունք»,- մանրամասնել է վարչապետը և հայտնել, որ ԵԱՏՄ-ում ամեն ինչ անում են, որ այդ կառույցի նկատմամբ ընկալումը Հայաստանում իջնի։
Փաշինյանի խոսքով՝ ԵՄ-ն աջակցում է Հայաստանին, որ սուբսիդավորեն գյուղատնտեսական ու այլ ապրանքների արտահանման հետ կապված արհեստական պրոբլեմները։
Ինչ վերաբերում է հանրաքվե անելուն, նա ասաց, որ հիմա պատրաստ չեն դրան, պետք է բարեփոխվեն։
Ըստ Փաշինյանի՝ իր խնդիրն է, որ Հայաստանի ժողովուրդն ունենա այլընտրանք։
ՀԱՅԵՐԵՆ
Русский
English
Դաս. հայերեն
French
