Արցախի Հանրապետության Նախագահ Բակո Սահակյանը այցելել է Մարտակերտի շրջանի Թալիշ գյուղ
04-04-2011 11:23:44 | Հայաստան | Քաղաքական
Արցախի Հանրապետության Նախագահ Բակո Սահակյանը ապրիլի 3-ին այցելել է Մարտակերտի շրջան:
Բակո Սահակյանն այցելել է Թալիշ գյուղ, որտեղ հանդիպում է ունեցել համայնքի ներկայացուցիչների հետ եւ քննարկել առկա խնդիրները: Նախագահն ընդգծել է այս գյուղի զարգացման անհրաժեշտությունը` եւ սահմանամերձ գոտու զարգացման, եւ հանրապետությունից դուրս գտնվող արցախցիների հայրենադարձության խթանման տեսանկյունից:
Երկրի ղեկավարը եղել է նաեւ Մատաղիս բնակավայրում եւ Թրղե գետի վրա կառուցվող ՀԷԿ-երի շինհրապարակներում եւ ծանոթացել կատարվող աշխատանքների ընթացքին: Բակո Սահակյանը կարեւորել է այդ օբյեկտների նշանակությունը մեր հանրապետության կյանքում` որպես Արցախի էներգետիկ անվտանգության կարեւոր բաղադրամաս:
Նախագահը կոնկրետ հանձնարարականներ է տվել շահագրգիռ մարմինների ղեկավարներին` աշխատանքների պատշաճ իրականացման ուղղությամբ:
Այցի ընթացքում Նախագահին ուղեկցում էին վարչապետ Արա Հարությունյանը, պաշտոնատար այլ անձինք:
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ
ՀԱՅԵՐԵՆ
Русский
English
Դաս. հայերեն
French
