Արցախի Հանրապետութեան Նախագահ Բակոյ Սահակեանը այցելել է Մարտակերտի շրջանի Թալիշ գիւղ
04-04-2011 11:23:44 | Հայաստան | Քաղաքական
Արցախի Հանրապետութեան Նախագահ Բակոյ Սահակեանը ապրիլի 3-ին այցելել է Մարտակերտի շրջան:
Բակոյ Սահակեանն այցելել է Թալիշ գիւղ, որտեղ հանդիպում է ունեցել համայնքի ներկայացուցիչների հետ եւ քննարկել առկայ խնդիրները: Նախագահն ընդգծել է այս գիւղի զարգացման անհրաժեշտութիւնը` եւ սահմանամերձ գօտու զարգացման, եւ հանրապետութիւնից դուրս գտնուող արցախցիների հայրենադարձութեան խթանման տեսանկիւնից:
Երկրի ղեկավարը եղել է նաեւ Մատաղիս բնակավայրում եւ Թրղէ գետի վրայ կառուցուող Հէկ-երի շինհրապարակներում եւ ծանօթացել կատարուող աշխատանքների ընթացքին: Բակոյ Սահակեանը կարեւորել է այդ օբյեկտների նշանակութիւնը մեր հանրապետութեան կեանքում` որպէս Արցախի էներգետիկ անվտանգութեան կարեւոր բաղադրամաս:
Նախագահը կոնկրէտ յանձնարարականներ է տուել շահագրգիռ մարմինների ղեկավարներին` աշխատանքների պատշաճ իրականացման ուղղութեամբ:
Այցի ընթացքում Նախագահին ուղեկցում էին վարչապետ Արա Յարութիւնեանը, պաշտօնատար այլ անձինք:
ԱՐՑԱԽԻ ՀԱՆՐԱՊԵՏՈՒԹԵԱՆ ՆԱԽԱԳԱՀԻ ԱՇԽԱՏԱԿԱԶՄԻ
ՏԵՂԵԿԱՏՈՒՈՒԹԵԱՆ ԳԼԽԱՒՈՐ ՎԱՐՉՈՒԹԻՒՆ