Արցախի Արտաքին գործոց նախարարը այցելել է Անթիլիասի մայրավանք
10-02-2010 18:05:00 | Լիբանան | Հասարակություն
ԱՆԹԻԼԻԱՍ, 10 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ, -
Փետրվարի 10-ին Լիբանան է ժամանել Արցախի Արտաքին գործոց նախարար
Գեորգի Պետրոսյանը` լիբանանահայ գաղութին մոտիկից ծանոթանալու
նպատակով: Ինչպես տեղեկացնում են Անթիլիասի մայրավանքից, նախարարը
հյուրընկալվել է Մեծի տանն Կիլիկիո կաթողիկոսության մայրավանքում
եւ նույն օրը հանդիպում է ունեցել Արամ Ա կաթողիկոսի հետ:
Հանդիպմանը մասնակցել է նաեւ Լիբանանում Հայաստանի դեսպան Աշոտ
Քոչարյանը: Առաջիկա երեք օրերին նախարարը հանդիպումներ է ունենալու
լիբանանահայ քաղաքական երեք կուսակցությունների պատասխանատու
մարմինների եւ գաղութի ներկայացուցիչների հետ: