Ռուստամ Բաքոյանը հանդիպել է ՀՀ-ում Իրաքի գործերի ժամանակավոր հավատարմատարի հետ
06-08-2026 19:55 Հայաստան Մամլո հաղորդագրություն
ԱԺ «Քաղաքացիական պայմանագիր» խմբակցության պատգամավոր Ռուստամ Բաքոյանն օգոստոսի 6-ին հանդիպել է ՀՀ-ում Իրաքի դեսպանության գործերի ժամանակավոր հավատարմատար Սուհայլան Մունզեր Խալիլ Խալիլի հետ։
Ողջունելով հյուրին խորհրդարանում՝ Ռուստամ Բաքոյանն արժևորել է Հայաստանի և Իրաքի միջև զարգացող համագործակցությունը։ Խոսելով խորհրդարանական դիվանագիտության կարևորության մասին՝ պատգամավորը նշել է, որ Հայաստանն ու Իրաքը՝ որպես խորհրդարանական կառավարման պետություններ, մի շարք ոլորտներում փոխգործակցությունը խորացնելու մեծ հնարավորություններ ունեն։
Անդրադառնալով տնտեսական ոլորտում գործակցությանը՝ Ռուստամ Բաքոյանն ընդգծել է երկու երկրների միջև առևտրաշրջանառության ծավալների ավելացման անհրաժեշտությունը։
Շնորհակալություն հայտնելով ընդունելության համար՝ ՀՀ-ում Իրաքի գործերի ժամանակավոր հավատարմատարը կարևորել է երկկողմ հարաբերությունների զարգացումը։ Հյուրը բարձրաձայնել է Հայաստանի և Իրաքի միջև օդային ուղիղ հաղորդակցություն հաստատելուն և իրաքցիներին մուտքի արտոնագրեր տրամադրելու դյուրացմանը վերաբերող հարցերը։
ՀԱՅԵՐԵՆ
