Լեռնադահուկային սպորտի աշխարհի պատանեկան առաջնությունում
Հայաստանի ներկայացուցիչները զբաղեցրել են 52-րդ եւ 77-րդ
հորիզոնականները
05-02-2010 19:30:00 | Հայաստան | Սպորտ
ԵՐԵՎԱՆ, 5 ՓԵՏՐՎԱՐԻ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Ֆրանսիայի
Մոնբլանի տարածաշրջանում ավարտված լեռնադահուկային սպորտի աշխարհի
պատանեկան առաջնությունում Հայաստանը ներկայացնող Յուրի Մանուկյանը
հսկա ոլորավայրէջքի մրցումներում 2 րոպե 50,1 վայրկյան արդյունքով
զբաղեցրել է մրցաշարային աղյուսակի 77-րդ հորիզոնականը, իսկ
ոլորավայրէջքի մրցումներում 1 րոպե 59,74 վայրկյան արդյունքով`
52-րդ հորիզոնականը: Ըստ ՀՀ սպորտի եւ երիտասարդության հարցերի
նախարարության կայքէջի հաղորդագրության, առաջնությանը մասնակցում
էր 128 մարզիկ: