ՍԱՆ ԴԻԵԳՈ, 9 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ԱՄՆ-ի ՌՕՈՒ F-18 կործանիչը ընկել է Սան Դիեգոյի բնակելի տների վրա (Կալիֆորնիա): Երեք մարդ մահացել է, եւս մեկը համարվում է անհետ կորած, հաղորդում է BBC-ն: Ինքնաթիռը վթարի է ենթարկվել Միրամար ավիահանգրվանում վայրէջք կատարելիս: Օդաչուին հաջողվել է փրկվել, իսկ կործանիչը տապալվել է գետնին բազայից մոտավորապես 3,2 կիլոմետր հեռավորությամբ` համալսարանական ավանի շրջանում: Բազայի ներկայացուցիչները հայտնել են, որ երկտեղանոց F-18 Hornet ինքնաթիռը վարժական թռիչք է իրականացրել եւ այն ղեկավարել է միայն մեկ օդաչու:

---