ԳԵՐՄԱՆԻԱՅՈՒՄ ԱՎՏՈՎԹԱՐԻ ՀԵՏԵՎԱՆՔՈՎ 20 ՄԱՐԴ Է ԶՈՀՎԵԼ
05-11-2008 15:34:00 | Գերմանիա | Միջազգային
ԲԵՌԼԻՆ, 5 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Գերմանիայում ՃՏՊ-ի
հետեւանքով զոհվել է 20 եւ տարբեր աստիճանի մարմնական վնասվածքներ
ստացել 12 մարդ, հաղորդում է Deutsche Welle-ն:
Նոյեմբերի 4-ին Հաննովեր քաղաքից ոչ հեռու գտնվող
ավտոճանապարհին ՃՏՊ-ի մեջ է հայտնվել եւ վառվել ավտոբուսը, որի մեջ
եղել են հիմնականում տարեցներ:
Ոստիկանության տեղեկություններով, բռնկումը տեղի է ունեցել
ավտոբուսի զուգարանում: Երբ ուղեւորներից մեկը բացել է դուռը,
կրակը տեղափոխվել է ավտոբուսի ուղեւորասրահ: Ըստ հետաքննության
նախնական վարկածի, հրդեհի պատճառ կարող էր դառնալ չհանգցրած
սիգարետը: Փորձագետները տեխնիկական անսարքության հնարավորությունը
բացառում են:
Միջադեպը ամենախոշոր ճանապարհային վթարն է Գերմանիայում
վերջին 16 տարիների ընթացքում: 1992 թվականին ՃՏՊ-ի արդյունքում
զոհվել էր 21 մարդ: