ՉԻԿԱԳՈ, 16 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Չիկագոյի մերձակայքում բժշկական ծառայությունների ուղղաթիռի աղետի հետեւանքով զոհվել են անձնակազմի երեք անդամները եւ ուղղաթիռում գտնվող հիվանդը: Շտապ բուժծառայության ուղղաթիռը Չիկագոյի մանկական հիվանդանոց էր ճանապարհվում քաղաքից դուրս գտնվող այլ հիվանդանոցից: Առայժմ չպարզված պատճառներով այն ընկել է բնակելի շրջանին մոտ գտնվող դաշտում եւ բոցավառվել: Դեպքի մասին այլ մանրամասներ առայժմ չեն հաղորդվում:

---