ՇՎԵԴԻԱՆ ՍԱՌԵՑՆՈՒՄ Է ՌԱԶՄԱԿԱՆ ՀԱՄԱԳՈՐԾԱԿՑՈՒԹՅՈՒՆԸ ՌՈՒՍԱՍՏԱՆԻ
ՀԵՏ
20-08-2008 16:32:00 | Շվեդիա | Միջազգային
ՍՏՈԿՀՈԼՄ, 20 ՕԳՈՍՏՈՍԻ, ՆՈՅՅԱՆ ՏԱՊԱՆ: Շվեդիայի
կառավարությունը չեղյալ է հայտարարել համատեղ զորավարժությունները
Ռուսաստանի հետ: Այս մասին հայտարարել է Շվեդիայի վարչապետ
Ֆրեդերիկ Ռեինֆելդը, ավելացնելով, որ կսառեցվի ռազմական ամբողջ
համագործակցությունը երկու երկրների միջեւ:
«Ռուսական զորքերը պետք է վերջացնեն այն գործողությունները,
որոնք ապակայունացնում են Վրաստանի իրադրությունը, դադարեցնեն
երկրի ենթակառուցվածքի ավերումը: Հրադադարի պլանը պետք է ավարտվի
ամբողջությամբ եւ ըստ կարելվույն արագ, իսկ ռուսական զորքերը պետք
է ետ քաշվեն անվտանգ դիրքեր»,- ասել է Ռեինֆելդը;
Շվեդական կառավարության տարածած մամլո հաղորդագրության մեջ
նշվում է, որ «ռուսական միջամտությունը Վրաստանի իրադրությանը
անթույլատրելի է եւ միջազգային իրավունքի խախտում է»: «Տեղի
ունեցածը կարող է ազդել Մոսկվայի հանդեպ ողջ համաշխարհային
հանրության վերաբերմունքի վրա»,- ասվում է փաստաթղթում: