ՊԱԿԻՍՏԱՆՈՒՄ ԴՊՐՈՑԻ ՌՄԲԱԿՈԾՈՒԹՅԱՆ ՀԵՏԵՎԱՆՔՈՎ ԶՈՀՎԵԼ Է 6 ՄԱՐԴ
28-07-2008 17:05:00 | | Միջազգային
ԻՍԼԱՄԱԲԱԴ, 28 ՀՈՒԼԻՍԻ, ՆՈՅՅԱՆ ՏԱՊԱՆ: Պակիստանում`
Աֆղանստանին սահմանակից Հարավային Վազիրիստանի շրջանում, մեդրեսեի
(հոգեւոր դպրոց) ռմբակոծության հետեւանքով զոհվել է վեց եւ
վիրավորվել երեք մարդ: Այս մասին հաղորդում են տեղի լրատվական
գործակալությունները:
Չորս հրթիռ է ընկել Ազամ Վարսակ բնակավայրում գտնվող
ուսումնական հաստատության վրա: Հրթիռակոծության տակ է հայտնվել
նաեւ տեղի հոգեւոր առաջնորդի տունը:
Ականատեսների վկայությամբ, գրոհից փոքր-ինչ առաջ օդում
երեւացել է առանց օդաչուի հետախույզ-ինքնաթիռ:
Ոստիկանությունը սկսել է միջադեպի հետաքննությունը: