ՀԱՅԱՍՏԱՆԻ ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆՆԵՐԻ ՇԱՀՈՒՅԹԸ 2008 Թ.-Ի
ԱՌԱՋԻՆ ԵՌԱՄՍՅԱԿԻ ՎԵՐՋՈՒՄ ԿԱԶՄԵԼ Է ՄՈՏ 315,6 ՄԼՆ ԴՐԱՄ
06-05-2008 19:00:00 | Հայաստան | Տնտեսություն
ԵՐԵՎԱՆ, 6 ՄԱՅԻՍԻ, ՆՈՅՅԱՆ ՏԱՊԱՆ: 2008թ.-ի մարտի 31-ի
դրությամբ Հայաստանում գործող ապահովագրական ընկերությունների
ընդհանուր ակտիվների ծավալը կազմել է 9 մլրդ 428 մլն 936 հազար
դրամ (ավելի քան 25,3 մլն ԱՄՆ դոլար)` 2008թ.-ի փետրվարի 29-ի 9
մլրդ 419 մլն 317 հազար դրամի դիմաց: ՀՀ Կենտրոնական բանկի
տվյալներով, այդ ընկերությունների ընդհանուր դրամական միջոցների
ծավալները նշված ժամկետներին կազմել են, համապատասխանաբար, 96 մլն
650 հազար դրամ եւ 80 մլն 47 հազար դրամ, հիմնական միջոցներինը`
391 մլն 876 հազար դրամ եւ 374 մլն 406 հազար դրամ, սեփական
կապիտալինը` 6 մլրդ 565 մլն 132 հազար դրամ եւ 6 մլրդ 442 մլն 203
հազար դրամ, կանոնադրական կապիտալինը` մնացել է նույն մակարդակի
վրա եւ կազմել 5 մլրդ 781 մլն 788 հազար դրամ:
Հայաստանում գործող ապահովագրական ընկերությունների
կրեդիտորական պարտքերը բյուջետային եւ պարտադիր սոցիալական
ապահովագրության վճարումների գծով 2008թ.-ի մարտի 31-ին կազմել են
105 մլն 216 հազար դրամ, իսկ փետրվարի 29-ին` 103 մլն 843 հազար
դրամ, դեբիտորական պարտքերը, համապատասխանաբար, 258 մլն 897 հազար
դրամ եւ 238 մլն 27 հազար դրամ, ապահովագրական պահուստները` 1 մլրդ
957 մլն 778 հազար դրամ եւ 1 մլրդ 925 մլն 502 հազար դրամ:
Ապահովագրական ընկերությունների ապահովագրավճարների ծավալը
նշված ժամկետներին կազմել են 1 մլրդ 411 մլն 494 հազար դրամ եւ 1
մլրդ 679 հազար դրամ, վերաապահովագրողներին փոխանցված
ապահովագրավճարները, համապատասխանաբար, 374 մլն 946 հազար դրամ եւ
270 մլն 56 հազար դրամ:
Ապահովագրական ընկերությունների ապահովագրական հատուցումների
ընդհանուր ծավալը 2008թ.-ի մարտի 31-ի 249 մլն 939 հազարի դիմաց
փետրվարի 29-ին կազմել է 155 մլն 125 հազար դրամ,
վերաապահովագրողների բաժինը ապահովագրական հատուցումներում` 103
մլն 542 հազար դրամ եւ 63 մլն 821 հազար դրամ, ապահովագրական
գումարների ընդհանուր ծավալը` 1 տրլն 383 մլրդ 385 մլն 166 հազար
դրամ եւ 1 տրլն 364 մլրդ 863 մլն 71 հազար դրամ:
Եթե 2008թ.-ի մարտի 31-ին ապահովագրական ընկերությունների
չբաշխված շահույթը կազմել է 315 մլն 574 հազար դրամ, ապա փետրվարի
29-ին` 179 մլն 659 հազար դրամ: