ՏԻԳՐԱՆ Գ. ՄԱՐՏԻՐՈՍՅԱՆԸ ՆՎԱՃԵՑ ԵՎՐՈՊԱՅԻ ՉԵՄՊԻՈՆԻ ԿՈՉՈՒՄԸ
18-04-2008 22:00:00 | Հայաստան | Սպորտ
ԵՐԵՎԱՆ, 18 ԱՊՐԻԼԻ, ՆՈՅՅԱՆ ՏԱՊԱՆ: Իտալիայի Լիգնանո քաղաքում
անցկացվող Եվրոպայի ծանրամարտի առաջնության ապրիլի 17-ին կանանց
մրցաշարում հրում վարժությունում ոսկե մեդալի արժանացավ Հռիփսիմե
Խուրշուդյանը (75 կգ, Քասախ)`ր 141 կգ արդյունքով: Սակայն, հայ
մարզուհին պոկում վարժությունում չկարողացավ հաղթահարել նախապես
պատվիրած 115 կգ-ն եւ զրկվեց երկամարտում խաղարկված մեդալներից:
Երեկոյան մրցահերթում տղամարդկանց պայքարում վարպետությամբ
աչքի ընկավ Տիգրան Գ.Մարտիրոսյանը (69 կգ, Գյումրի): Նա պոկեց 158
կգ, հրեց 188 կգ եւ երկամարտի 346 կգ արդյունքով նվաճեց Եվրոպայի
չեմպիոնի կոչումը: Տիգրանը ոսկե մեդալի արժանացավ պոկումում, իսկ
հրումում` «արծաթի», քանզ որ նրա անձնական քաշը ծանր էր Եվրոպայի
անցյալ տարվա չեմպիոն ֆրանսիացի Դենսալա Դաբավայից, որն այս անգամ
բավարարվեց 2-րդ տեղով: Տ.Մարտիրոսյանը նաեւ սահմանեց աշխարհի
երիտասարդների 7 ռեկորդ: Նույն քաշային կարգում Հայաստանը
ներկայացրած Արա Միրզոյանը (Էջմիածին) գրավեց 12-րդ տեղը: