2007 Թ.-ԻՆ ՀԱՅԱՍՏԱՆՈՒՄ ԱՆՇԱՐԺ ԳՈՒՅՔԻ ՆԿԱՏՄԱՄԲ ԳՈՐԾԱՐՔՆԵՐԻ
ՔԱՆԱԿԸ ՆԱԽՈՐԴ ՏԱՐՎԱ ՆՈՒՅՆ ԺԱՄԱՆԱԿԱՀԱՏՎԱԾԻ ՀԱՄԵՄԱՏ 24,5%-ՈՎ ԱՃԵԼ
Է
20-03-2008 16:00:00 | Հայաստան | Տնտեսություն
ԵՐԵՎԱՆ, 20 ՄԱՐՏԻ, ՆՈՅՅԱՆ ՏԱՊԱՆ: Հայաստանում 2007թ.-ին
անշարժ գույքի նկատմամբ իրականացվել է 155 հազար 40 գործարք, կամ
2006թ.-ի համեմատ 24,5%-ով ավելի:
ՀՀ Ազգային վիճակագրական ծառայության տվյալներով, 2007թ.-ին
անշարժ գույքի նկատմամբ իրականացված գործարքների 39,1%-ը կազմել են
օտարման գործարքները, 16,5%-ը` առաջնային գրանցման գործարքները,
16,3%-ը` գրավադրման գործարքները, 11,9%-ը` ժառանգության
գործարքները, 6,9%-ը` վարձակալության գործարքները, 0,1%-ը`
մասնավորեցման գործարքները, 9,2%-ը` այլ պետական գրանցումները:
Անշարժ գույքի նկատմամբ գործարքների քանակի 38,4%-ն
արձանագրվել է Երեւան քաղաքում: