ՉԻՆԱՍՏԱՆԸ ՄՏԱԴԻՐ Է ԱԷԿ ԿԱՌՈՒՑԵԼ ՍԵՅՍՄԱՎՏԱՆԳ ՇՐՋԱՆՈՒՄ
23-07-2008 16:10:00 | Չինաստան | Միջազգային
ՊԵԿԻՆ, 23 ՀՈՒԼԻՍԻ, ՆՈՅՅԱՆ ՏԱՊԱՆ: Չինաստանը մտադիր է
ատոմային էլեկտրակայան կառուցել սեյսմավտանգ Սիչուանի նահանգում,
հաղորդում է «Նովոստի» գործակալությունը` վկայակոչելով չինական
ԶԼՄ-ներ:
«Նրա (ԱԷԿ-ի) կառուցումը կսկսվի հենց որ ստացվի
իշխանությունների թույլտվությունը: Շինարարության համար հինգ տարի
կպահանջվի»,- China Daily թերթին հայտնել է ՉԺՀ միջուկային
ֆիզիկայի ինստիտուտի ռեկտոր Չժաո Խուան: Նախագծի արժեքը 3,7
միլիարդ դոլար է: Մոտ 6 հազար մեգավատ հզորությամբ ԱԷԿ-ը կկառուցվի
Սանբա ավանի մոտ:
Փորձագետների տվյալներով, 30 տարվա մեջ ամենաուժեղ երկրաշարժը
Սիչուանում չի վնասել ռեակտորի կառուցման համար հատկացված
հրապարակը:
Մայիսի 12-ին Սիչուանում տեղի ունեցավ 8,0 մագնիտուդի
երկրաշարժ: Այն 69 հազար 197 մարդու կյանք խլեց, մինչ օրս անհետ
կորած է համարվում ավելի քան 18 հազար մարդ: