ԽՈՐՎԱԹԻԱՆ ԵՎ ԱԼԲԱՆԻԱՆ ՍՏՈՐԱԳՐԵԼ ԵՆ ՆԱՏՕ-ԻՆ ԱՆԴԱՄԱԿՑԵԼՈՒ
ԱՐՁԱՆԱԳՐՈՒԹՅՈՒՆՆԵՐԸ
09-07-2008 17:31:00 | Բելգիա | Միջազգային
ԲՐՅՈՒՍԵԼ, 9 ՀՈՒԼԻՍԻ, ՆՈՅՅԱՆ ՏԱՊԱՆ: Խորվաթիան եւ Ալբանիան
ստորագրել են ՆԱՏՕ ընդունվելու մասին արձանագրությունները: Դաշինքի
կենտրոնակայանում հանդիսավոր արարողության ժամանակ փաստաթղթերը
ստորագրել են երկու երկրների ԱԳՆ ղեկավարները` Լուլեզիմ Բաշան եւ
Գորդոն Յանդրոկովիչը, ինչպես նաեւ ՆԱՏՕ-ի մշտական խորհրդի
անդամները` դաշինքի 26 պետությունների դեսպանները:
Իրենց ելույթներում նախարարները հավաստիացրել են, որ իրենց
պետությունները մտադիր են շարունակել բարեփոխումների
գործընթացները, որոնք «նրանց համար բացեցին ՆԱՏՕ-ի դռները», եւ
«լրիվ ծավալով կատարել իրենց բոլոր նոր պարտավորությունները»:
Դաշինքին անդամակցելու մասին պայմանագրերի ստորագրման
արարողությունը կարեւոր է, բայց ՆԱՏՕ-ի թեկնածու պետության
ընդունելության վերջին քայլը չէ: Այդ փաստաթղթերը պետք է
վավերացվեն դաշինքի բոլոր երկրների կողմից եւ հանձնվեն ԱՄՆ-ին`
որպես դաշինքի իրավաբանական ակտերի դեպոզիտար-երկրի: