ՔԱԲՈՒԼ, 27 ՄԱՐՏԻ, ՆՈՅՅԱՆ ՏԱՊԱՆ: «Թալիբան» արմատական խմբավորման գրոհայինների հետ զինված բախման հետեւանքով մարտի 26-ին Աֆղանստանի հարավում զոհվել է դանիացի զինծառայող, եւս մի դանիացի վիրավորվել է, հաղորդում է «Նովոստի» գործակալությունը: Միջադեպը տեղի է ունեցել Աֆղանստանի հարավային Գելմենդի նահանգի Գերիշք քաղաքի մերձակայքում, երբ դանիական պարեկը հայտնվել է զինյալների ուժեղ կրակի տակ: Աֆղանստանում մարտական գործողություններն սկսվելուց ի վեր Դանիան կորցրել է իր 14 զինծառայողների:

---