ԼԵՎՈՆ ԱՐՈՆՅԱՆԸ 2-ՐԴ ՏԱՐԻՆ ԱՆԸՆԴՄԵՋ ՀԱՂԹՈՂ ՃԱՆԱՉՎԵՑ ՎԵՅԿ ԱՆ
ԶԵԵԻ ՄԻՋԱԶԳԱՅԻՆ ՄՐՑԱՇԱՐՈՒՄ
28-01-2008 17:50:00 | Նիդեռլանդներ | Սպորտ
ՎԵՅԿ ԱՆ ԶԵԵ, 28 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 27-ին Վեյկ
ան Զեեում ավարտվեց «Կորուս» անվանումով շախմատի միջազգային
փառատոնը: Գլխավոր մրցաշարում Լեւոն Արոնյանը 13 հնարավորից
վաստակեց 8 միավոր եւ 2-րդ տարին անընդմեջ հաղթող ճանաչվեց:
Նույնքան միավորով 2-րդ տեղը գրավեց ավելի ցածր գործակիցներ
ունեղոց Մագնուս Կառլսենը (Նորվեգիա): Եռյակը եզրափակեց աշխարհի
չեմպիոն Վիշվանաթան Անանդը (Հնդկաստան)` 7,5 միավորով:
«Բ» խմբում Սերգեյ Մովսիսյանը (Սլովակիա) 13 հնարավորից
վաստակեց 9,5 միավոր եւ միանձնյա ճանաչվեց խմբի հաղթող: Նա
իրավունք ստացավ հաջորդ տարի առաջին անգամ մասնակցելու գլխավոր
մրցաշարին: Նույն խմբում Գաբրիել Սարգսյանը գրավեց 12-րդ տեղը: