ՀԱՅԱՍՏԱՆԻ ՖՈՒՏԲՈԼԻ ԵՐԻՏԱՍԱՐԴԱԿԱՆ ՀԱՎԱՔԱԿԱՆԸ 4:1 ՀԱՇՎՈՎ
ՀԱՂԹԵՑ ԼԻԽՏԵՆՇՏԵՅՆԻ ԹԻՄԻՆ
21-11-2007 17:35:00 | Լիխտենշտայն | Սպորտ
ՎԱԴՈՒՑ, 21 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Եվրոպայի առաջնության
ընտրական փուլի խմբային մրցաշարի ծրագրով Հայաստանի ֆուտբոլի
երիտասարդական հավաքականը նոյեմբերի 20-ին Լիխտենշտեյնում հանդիպեց
տեղի թիմի հետ: 4:1 հաշվով հաղթեցին Հայաստանի ֆուտբոլիստները:
Գոլերի հեղինակներ դարձան Գեւորգ Նռանյանը 12-րդ րոպեին, Արտակ
Անդրիկյանը` 25-րդ, Հենրիկ Մխիթարյանը` 50-րդ եւ Հայկ
Չիլինգարյանը` 60-րդ րոպեին: 75-րդ րոպեին Լիխտենշտեյնի հավաքականը
խփեց պատասխան գնդակը: Հայաստանի հավաքականի ավագ մարզիչն է
վաստակավոր մարզիչ Վարուժան Սուքիասյանը: